ԱԺ «Ծառուկյան» խմբակցության պատգամավոր Նապոլեոն Ազիզյանն «Առաջին լրատվական»-ի հետ զրույցում նշեց, որ կառավարության աշխատանքներն ինքը լավ չի գնահատում, այս մեկ տարին գույքագրումների տարի էր: Նրա խոսքով՝ այս կառավարությունը, եթե արդյունքներ չի գրանցում, ուրեմն նույն գործելաոճն ունի, ինչ նախորդները: «Կառավարությունները գալիս են, գնում են, ԱԺ-ն գալիս է գնում է, ղեկավարությունները գալիս գնում են, պարտքերը կուտակվում են, իսկ թե ով է տալու, չգիտեմ»,-ասաց նա:
Անդրադառնալով կառավարության հաշվետվությանը՝ նա նշեց, որ այն պատմության գիրք չէ և ոչ էլ բանաստեղծություններ, որ մեկ օրում ընթերցես: «Մի օր առաջ բերում տալիս են, հաջորդ օրը կանչում քննարկման»,-հավելեց նա:
Հիշեցնենք, որ Նապոլեոն Ազիզյանը ԱԺ աշնանային նստաշրջանի մեկնարկի օրը մեզ հետ զրույցում անդրադառնալով կառավարության մեկամյա գործունեությանը նշել էր. «Ինձ դուր ա գալիս Կարեն Կարապետյանը որպես վարչապետ»:
https://www.youtube.com/watch?v=jb2KKZVnSvw
