Ռուսաստանը Սիրիայում ամրապնդվելու ռազմավարական նպատակ չունի, «Ռոսիա 24» հեռուստաալիքին տված հարցազրույցում ասել է ՌԴ նախագահի՝ սիրիական կարգավորման հարցով հատուկ ներկայացուցիչ, Աստանայում բանակցություններում ռուսական պատվիրակության ղեկավար Ալեքսանդր Լավրենտևը: «Մեզ համար նպատակը պայքարն է միջազգային ահաբեկչության դեմ, որը սպառնալիք է ռուսական ազգային շահերի համար»,- ասել է նա:
Լավրենտևի խոսքով՝ Մոսկվան հույս ունի, որ դեէսկալացիայի գոտիների ազդեցության 6 ամիսների ավարտին իրավիճակը Սիրիայում այնքան կկայունանա, որ գոտիների հետագա գործողության ժամկետը երկար չի լինի: «Կարելի է միայն հուսալ, որ այդ ժամկետը հնարավորինս կարճ կլինի»,- նշել է նա:
