«Ինձ համար կարևոր չէ՝ ժառանգականությունը, կամ թե ով պետք է ընտրվի, այլ կարևոր է այն, թե ինչպիսի գործունեություն են ծավալելու այդ պաշտոնում, որովհետև պաշտոնը անիմաստ պաշտոն է, եթե ոչինչ չանես»,- անդրադառնալով Կինոգործիչների միության նախագահի պաշտոնում առաջադրմանը՝ «Առաջին լրատվական»-ին ասաց կինոռեժիսոր Հարություն Խաչատրյանը:
Հիշեցնենք, որ երեկ Հարություն Խաչատրյանը հրաժարվեց «Ոսկե ծիրան» միջազգային կինոփառատոնի նախագահի պաշտոնից:
Նա անդրադարձավ նաև մամուլի այն հրապարակմանը, թե իրեն աջակցում է իշխանությունը: «Այդպիսի բան չկա, ես չեմ մասնակցելու ինչ-որ մեկին օգնելու համար, այսօր չկա հովանավորություն, թաքցնելու ոչինչ չունենք՝ ոչ հովանավորություն կա, ոչ էլ ընտրված մարդ»,- ասաց նա՝ հավելելով, որ այս ամենը բամբասանք է:
Ինչ վերաբերում է մրցակցությանը, ապա, ըստ նրա, պետք է հասկանալ, թե ինչ են ցանկանում մյուս թեկնածուները. «Դա կախված է կինեմատոգրաֆիստներից, թե ինչով են ապրում՝ բամբասանքներո՞վ, կինոարվեստո՞վ, թե՞ հիվանդագին մրցակցությամբ՝ ինչո՞վ: Եթե ապրում են կինոարվեստով, և իրենց հետաքրքիր է կինոարվեստը, և իրենց հետաքրքիր է կինո իրավունքները և պաշտպանությունը, իհարկե կընտրեն՝ ում ցանկանում են»:
Հարցազրույցն ամբողջությամբ՝ տեսանյութում:
