Մոսկվայի շրջանային դատարանը 12 տարվա ազատազրկման է դատապարտել հայազգի ձեռնարկատեր Արամ Պետրոսյանին, ով անցած տարի Մոսկվայի կենտրոնում զավթել էր «Սիթիբանկի» մասնաճյուղը։ Այս մասին հայտնում է TASS գործակալությունը։
Դատարանը նրան մեղավոր է ճանաչել ՌԴ ՔՕ 206 հոդվածի 2-րդ մասով (2 և ավելի անձանց պատանդ վերցրնելը՝ որպես զենք առարկայի կիրառմամբ) և 205 հոդվածի 1-ին մասով (ահաբեկչական գործողություն)։ Նա իրեն մեղավոր է ճանաչում միայն պատանդներ վերցնելու մեջ։
Պատիժը կրելու ժամկետը կհաշվարկվի նրա կալանքի տակ գտնվելու պահից՝ 2016 թվականի օգոստոսի 24-ից: Դատարանը նաև բավարարել է տուժողի քաղաքացիական հայցը՝ 50 հազար ռուբլու չափով:
Պետրոսյանին կալանավորել են դատարանի դահլիճում։ Դահլիճից հեռանալիս՝ նա բաղվել է. «Պատմությունն ինձ կարդարացնի»։