Թբիլիսիի քաղաքային դատարանը հոգևորական Գեորգի Մամալաձեին մեղավոր է ճանաչել սպանության փորձի մեջ՝ ուղղված վրաց պատրիարքի քարտուղար Շորենա Տետրուաշվիլիի դեմ։ Ի սզբանե համարվել է, որ զոհը պետք է դառնար պատրիարք Իլյա Երկրորդն անձամբ։ Այս մասին հայտնում է currenttime.tv-ն։
Մամալաձեին դատապարտել են 9 տարվա ազատազրկման։ Դատը տևել է մի քանի ամիս, լսումներն ընթացել են փակ ռեժիմում։
Մամալաձեին ձերբակալել են այս տարվա փետրվարի 10-ին, Թբիլիսիի օդանավակայանում։ Հոգևորականի ուղեբեռում հայտնաբերել են թունավոր նյութ՝ ցիանիդ։ Դատախազության տվյալներով՝ նա ուղևորվում էր Բեռլին, որտեղ կլինիկաներից մեկում լեղապարկի վիրահատության էր սպասում 8-ամյա կաթողիկոս-պատրիարք Իլյա Երկրորդը։ Նրան ուղեկցում էին եկեղեցական հիերարխները, այդ թվում քարտուղար Տետրուաշվին։ Քննիչների վարկածով՝ հենց նրան է Մամալաձեն պատրաստվել թունավորել, որպեսզի վեր բարձրանա կարիերայի սանդուղքով։