ՀԴԿ նախագահ Արամ Սարգսյանն այսօր լրագրողների հետ զրույցում ասաց, որ շատ մեծ հույսեր էր կապվում՝ մենք կստանա՞նք ազատություն, կկարողանա՞նք ինքներս մեզ կառավարել, լինել քաղաքակիրթ, ամուր պետություն. «Այն ոգևորությունը, որ կար ղարաբաղյան շարժման ընթացքում, միասնությունը ժողովրդի, դա շատ ոգևորեց բոլորին և 95 տոկոսը, որոնք ուզում էին անկախություն, բերեց նրան, որ հռչակվեց անկախությունը, բայց չեղավ այն ծրագիրը, որը պետք է լիներ: Այն մարդիկ, որոնք եկան իշխանության, այլ ճանապարհով գնացին: Սկիզբը դրվեց լրիվ հակառակ և մենք հայտնվեցինք այն ծանր վիճակում, որն ունենք՝ արտագաղթի պատճառով: Աննորմալ երևույթ էր՝ անկախ պետությունը դուրս մղեց իր ժողովրդին իր հայրենիքից: Այսինքն, իշխանությունը չօգտագործեց բոլոր հնարավորությունները, որ արդար պայմաններ ստեղծեր երկրում, այդ պայմաններում չէր լինի մեծահարուստ և աղքատ: Հռչակագրի սկզբունքները չիրականացվեցին: Մենք ընդամենը թվացյալ կարող ենք համարվել անկախ: Այսօրվա իշխանությունները և երեկվա իշխանությունները անկախ չեն, նրանք ընկան ճնշման տակ, որովհետև ենթարկվեցին դրսի կամքին՝ դա Համաշխարհային բանկն էր, ԱՄՀ-ն էր, մյուս գերտերություններն էին, անկախությունից բան չմնաց»: