Այսօր՝ օգոստոսի 22-ին, ավտովթար է տեղի ունեցել Երևանում։ Ժամը 00։40-ի սահմաններում Արարատի մարզի բնակիչ Սուրեն Բաբայանը իր վարած Toyota Land Cruiser Prado մակնիշի 10 ՍԼ 222 համարանիշի ավտոմեքենայով Իսակովի պողոտայում՝ «Ոսկե համբույր» ռեստորանային համալիրի հարևանությամբ, բախվել է ճանապարհի բաժանարար բետոնե արգելապատնեշին, այնուհետև դուրս եկել երթևեկելի գոտուց, հարվածել երկաթե ճաղավանդակներին և հայտնվել կանաչ գոտում։
Ինչպես դեպքի վայրից հայտնում է shamshyan.com-ը, ըստ նախնական տեղեկությունների՝ վթարի հետևանքով, բարեբախտաբար, զոհեր և վիրավորներ չկան։ Դեպքի վայր են ժամանել Ճանապարհային ոստիկանության 1-ին սպայական գումարտակի ծառայողները։
Վթարի մասին ՃՈ օպերատիվ կառավարման կենտրոնի պատասխանատու հերթապահ Արսեն Հարությունյանը տեղեկությունը փոխանցել է Ճանապարհային ոստիկանության Ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք, որտեղից ժամանել է տեսուչ Գուրգեն Մաթևոսյանը, ում կողմից փաստի առթիվ նյութեր են նախապատրաստվում։
Մանրամասները՝ shamshyan.com
