«Ելք» խմբակցության նախաձեռնությամբ է հանդես եկել, ըստ որի՝ Երևանում հայ բոլշևիկների, կոմունիստ գործիչների անունները կրող փողոցները վերանվանել ազգային հերոսների անուններով։ Առաջարկվում է Երևանի Լենինգրադյան փողոցն անվանակոչել արցախյան պատերազմի հերոս Լեոնիդ Ազգալդյանի անունով, Սարգիս Կասյանի, Անաստաս Միկոյանի անվան փողոցները վերանվանել ազգային հերոսների անուններով և այլն։ Հայ ազգային արխիվի տնօրեն Ամատունի Վիրաբյանը «Առաջին լրատվական»-ի հետ զրույցում ասել էր, որ Կասյանը լինելով Խորհրդային Հայաստանի քաղաքական գործիչ՝ ավելին է արել Հայաստանի զարգացման համար, քան իրենց կյանքի ամբողջ ընթացքում կարող են անել այսօրվա քաղաքական այդ գործիչները, որոնք նման առաջարկություն են անում:
ՀՀԿ խոսնակ, ԱԺ փոխնախագահ, պատմաբան Էդուարդ Շարմազանովն «Առաջին լրատվական»-ի հետ զրույցում նշեց, որ պատմության մեջ չկան անթերի գործիչներ:
«Ելք» խմբակցության այս նախաձեռնությունը՝ բոլորին նույն սանրով սանրել, չեմ կարծում, որ ճիշտ է: Մյուս կողմից, իհարկե, Երևանում պետք է լինի ոչ միայն Լեոնիդ Ազգալդյանի փողոց, այլ պետք է լինի Խորեն Աբրահամյանի, Սոս Սարսգյանի, Գոհար Գասպարյանի փողոց, և, իհարկե, այստեղ երկրորդ կարծիք չի կարող լինել»,- ասաց ԱԺ փոխնախագահը:
Նա նաև նշեց, որ երբեք բոլշևիկյան գաղափարախասության ջերմ երկրպագուն չի եղել։ «Միայն նրա համար, որ նրանք եկել են, քանդել, վերացրել են եկեղեցիները, տեռոր են սկսել, բայց միևնույն ժամանակ եղել են գործիչներ, որոնք արժանի են հիացմունքի: Ես դեմ եմ, որ Երևանում լինի Ֆրունզեի փողոց»,- հավելեց Էդուարդ Շարմազանովը:
Հարցազրույցն ամբողջությամբ՝ տեսանյութում:
