Ավստրալիայում սիրահար զույգը ստիպված է եղել դադարեցնել ռոմանտիկ ընթրիքը հսկա սարդի պատճառով։ Սարդին Արագոգ (վիթխարի խոսող սարդ «Հարի Փոթերից») են անվանել՝ դրա հսկա չափսերի պատճառով՝ գրում է The Daily Mirror-ը։
Սարդն արգելափակել էր նրանց տան ներսում՝ թույլ չտալով դուրս գալ։ Լոուրեն Էնսելի խոսքով՝ սարդն իրեն ագրեսիվ է դրսևորել, երբ իրենք փորձել են դրան մի կողմ քշել։
Նրանք փորձել են սատկացնել սարդին ապակե դռան միջոցով, սակայն վերջինիս հաջողվել է փախչել՝ կորցնելով երկու ոտքերը։ Սարդը թաքնվել է տան այգում։
