ԱՄՆ պետքարտուղար Ռեքս Թիլերսոնը կարող է լքել իր պաշտոնը մինչև 2017 թվականի ավարտը։ Այս մասին հայտնում է CNN-ը։
Հղում անելով Թիլերսոնին մոտ աղբյուրներին՝ հեռուստաալիքը հաստատում է, որ պետքարտուղարի մոտ չափազանց շատ տարաձայնություններ են կուտակվել նախագահ Դոնալդ Թրամփի հետ։
Հաղորդվում է, որ Թիլերսոնին դուր չի եկել նախագահի քննադատությունն Արդարադատության նախարար Ջեֆ Սեշնսի հասցեին։ Պետքարտուղարն այլ տեսակետներ ունի նաև Պետդեպի կադրային քաղաքականության և Իրանի հետ հարաբերությունների կառուցման հարցերում։
