Երևանի Կենտրոն եւ Նորք Մարաշ վարչական շրջանների ընդհանուր իրավասության դատարանում «Զինված խմբի» գործով նիստն այսօր` հուլիսի 21-ին, մեկնարկել է: Պաշտպանության նախկին փոխնախարար, գործով ամբաստանյալ Վահան Շիրխանյանը բերվել է նիստերի դահլիճ: Նրա շահերի պաշտպան Հայկ Ալումյանը դատարանին միջնորդություն էր ներկայացրել, որպեսզի դատարանը թույլ տա նրան ոտքի չկանգնել` ելնելով նրա առողջական խնդիրներից: Դատարանը միջնորդությունը բավարարեց:
Ամբաստանյալներից Էդվարդ Ներսիսյանի շահերի պաշտպան Կարմեն Պողոսյանն էլ դատարանին միջնորդություն ներկայացրեց նշանակել դատաբժշկական փորձաքննություն` պարզելու իր պաշտպանյալի առողջական խնդիրներին վերաբերող մի շարք հարցեր: Մյուս պաշտպանները միացան Էդվարդ Ներսիսյանի շահերի պաշտպանի միջնորդությանը:
