«Բակո Սահակյանը ոչ թե ինքնաառաջադրվեց, այլ Արցախի պառլամենտի 90 տոկոսը կազմող երեք քաղաքական ուժ որոշեց առաջադրել նրա թեկնածությունը: Բակո Սահակյան և Արա Հարությունյան տանդեմը պետք է շարունակի պաշտոնավարել այս անցումային ժամանակաշրջանում»,-«Առաջին լրատվական»-ի հետ զրույցում ասաց Արցախի «Հայրենիք» խմբակցության պատգամավոր Ռուդիկ Հյուսնունցը:
Նրա խոսքերով՝ վիճահարույց հարց է, այս նոր շրջանը Բակո Սահակյանի համար նախագահության երրորդ ժամկե՞տ է, թե՞ ոչ, քանի որ, երրորդ ժամկետը կլինի 2020 թվականից հետո: Բացի այդ, պատգամավորի խոսքերով, Բակո Սահակյանը և վարչապետ Արա Հարությունյանը լավ են աշխատել, միջինը 9.8 տոկոս տնտեսական աճ է ապահովվել այս տարիների ընթացքում: «Համեմատություն անցկացրեք մեր հարևան երկրի հետ, անգամ Հայաստանի Հանրապետության հետ, և կտեսնեք, որ այս տանդեմը էֆեկտիվ է աշխատում: Հետևաբար այսօրվա որոշումը՝ Բակո Սահակյանի թեկնածությունը ամենաճիշտ ընտրությունն էր:
Հյուսնունցի խոսքերով՝ մինչև 2020 թվականը լուրջ մարտահրավերներ են կանգնած Արցախի առաջ: Կա սահմանի խնդիր, Արցախի ճանաչման խնդիր, և պետք է այդ ուղղությամբ աշխատել, որը լավագույնս կարող է իրականացնել գործող տանդեմը: «Քաղաքական պոպուլիզմով պետք չէ զբաղվել»,- ընդգծեց Հյուսնունցը:
Առավել մանրամասն՝ տեսանյութում։