Ադրբեջանում ԱՄՆ նախկին դեսպան, ԵԱՀԿ Մինսկի խմբի նախկին համանախագահ Մեթյու Բրայզան ադրբեջանցի լրագրողների հետ զրույցում հայտարարել է, թե ԼՂ հակամարտությունը տարածաշրջանում տնտեսական զարգացման և անվտանգության գլխավոր խոչընդոտն է՝ հայտնում է Haqqin.az-ը։
Նրա կարծիքով՝ պատերազմական գործողություններով հետաքրքրված չի հակամարտող կողմերից ոչ մեկը։
«Հայաստանն օկուպացրել է ադրբեջանական հողերը։ Անհրաժեշտ է, որպեսզի նա դուրս բերի զորքերը, և կողմերը համաձայնության գան։ Շրջանակային համաձայնագիրը (Մադրիդյան սկզբունքները) գոյություն ունի արդեն 10 տարի։ Պետք է այդ գործընթացն ավարտին հասցնել։ Սակայն կարծում եմ, որ դա հնարավոր չի լինի, եթե ԱՄՆ-ի և Ռուսաստանի առաջնորդները ներդրում չանեն այդ գործընթացում»,-ասել է Բրայզան։
«Նրանք (ԱՄՆ-ը և Ռուսաստանը) պետք է այդ հակամարտությունը դնեն ՌԴ-ԱՄՆ հարաբերությունների օրակարագում։ Սակայն հիմա հարաբերությունները պատշաճ մակարդակի վրա չեն։ Համանախագահները շարունակում են իրենց աշխատանքը, ընդհանուր լեզու փնտրում, սակայն առաջընթաց չի լինի, քանի դեռ այդ հարցին ուշադրություն չի դարձվի նախագահների մակարդակով»,-ասել է Բրայզան։
