Իրաքցի զինվորականները մայիսի 27-ին հայտնել են, որ մուսուլմանների սուրբ ամիս Ռամադանի առաջին օրը գրոհ են սկսել Մոսուլի արևմուտքում ԴԱԻՇ ահաբեկչական խմբավորման ենթակայության տակ գտնվող թաղամասերի ուղղությամբ: Այս մասին հայտնում է RIA Novosti-ն։
Խոսքը, մասնավորապես, Տիգրիս գետի աջ ափի տարածքների մասին է՝ նշել է ազատագրման գործողության հրամանատար Աբդել-Ամիրա Յարալուն:
Նրա Խոսքով՝ զորքը հարձակվել է Շիֆա թաղամասի և հանրապետական հիվանդանոցի վրա, դաշնային ոստիկանությունը գրոհել է Զանջիլի թաղամասը, իսկ հակաահաբեկչական ստորաբաժանումները գործողություն են իրականացնում Սախա թաղամասում:
ԱՄՆ-ի գլխավորած կոալիցիոն զորքերը ԴԱԻՇ ահաբեկչական խմբավորման ամենամեծ հենարանը համարվող Մոսուլ քաղաքի ազատագրումը սկսել էին դեռևս 2016 թվականի հոկտեմբերից: