Հազարից ավելի պաղեստինցի բանտարկյալները դադարեցրել են հացադուլը, որը շարունակվել է մոտ 6 շաբաթ։ Այս մասին հայտնում է BBC-ն։
Ինչպես հայտարարել են Իսրայելի բանտերի հարցով վարչության ներկայացուցիչները, հացադուլը դադարեցվել է այն բանից հետո, երբ բանտարկյալների համար ավելացվել է հարազատների հետ հանդիպումների թիվը։ Հացադուլի ընթացքում հոսպիտալացվել է 18 մարդ։
Բանտարկյալներին թույլատրել են հարազատների հետ հանդիպել ամսական երկու անգամ՝ նախկին մեկի փոխարեն։
Հացադուլի ավարտը համընկել է մուսուլմանների համար սրբազան ամսի՝ Ռամադանի մեկնարկի հետ։
Բանակցությունները հացադուլավորների հետ անցկացվել են Կարմիր Խաչի միջազգային կոմիտեի միջնորդությամբ։
Իսրայելի իշխանությունների տվյալներով՝ հացադուլին մասնակցել է 1187 բանտարկյալ։
Հացադուլն անցկացվել է միանգամից մի քանի իսրայելական բանտերում։ Ակցիան սկսվել էր պաղեստինյան շարժման առաջնորդների մեկի՝ Մարվան Բարգուտիի կոչով, ով Իսրայելում դատապարտված է ցմահ ազատազրկման։