Բրյուսելում կայացել է ԱՄՆ նախագահ Դոնալդ Թրամփի և Եվրամիության խորհրդի ղեկավար Դոնալդ Տուսկի հանդիպումը: Ամերիկացի նախագահի հետ հանդիպումից հետո Տուսկը լրագրողներին հայտնել է, որ Եվրամիությունը և Միացյալ Նահանգները ընդհանուր դիրքորոշում չունեն Ռուսաստանի հանդեպ:
«Չեմ կարող ասել, որ 100 տոկոսով ընդհանուր դիրքորոշում ունենք Ռուսաստանի հարցով: Ինչ վերաբերում է Ուկրաինայի հակամարտությանը, ըստ երևույթին, մենք մի գծի վրա ենք»,-ասել է Տուսկը:
Եվրամիությանը և ԱՄՆ-ին չի հաջողվել հաղթահարել նաև առևտրի, կլիմայական փոփոխությունների դեմ պայքարի հարցերում առկա տարաձայնությունները: «Որոշ հարցեր բան են մնում, ինչպիսիք են՝ կլիման և առևտուրը»,-նշել է Տուսկը:
Կողմերը քննարկել են նաև արտաքին քաղաքականության, անվտանգության հարցեր: