Աշխարհի երկրների և քաղաքների վերաբերյալ տվյալների մշակմամբ զբաղվող Numbeo միջազգային պորտալը հրապարակել է «Quality of Life Index 2017» («Կյանքի որակի ինդեքս» 2017) հետազոտությունը, որը վերաբերում է աշխարհի 184 քաղաքներում կյանքի որակին:
Հետազոտության հիմքում ընկած են մի քանի ցուցանիշներ՝ բնակչության գնողունակություն, առողջապհություն, անվտանգություն, կլիմա, աղտոտվածություն, անշարժ գույքի գներ և այլն:
Հետազոտության տվյալների համաձայն՝ Հայաստանի մայրաքաղաք Երևանը, hավաքելով 125.63 միավոր, զբաղեցրել է 124-րդ հորիզոնականը: Նշվում է, որ Երևանում բնակչության գնողունակության, ինչպես նաև մեկ բնակչությանը բաժին ընկնող նվազագույն զամբյուղի մակարդակը շատ ցածր է, փոխարենը բարձր է անվտանգության ինդեքսը, Երևանն աչքի է ընկնում նաև լավ կլիմայով: Ըստ զեկույցի՝ «Կյանքի որակի ինդեքս»-ն ընդհանուր առմամբ բարձր է:
Տարածաշրջանի երկրներից Բաքուն, հավաքելով 96.35 միավոր, զբաղեցրել է 151-րդ հորիզոնականը, Թբիլիսին ունի 125.52 միավոր, Թեհրանը՝ 86.62, Մոսկվան՝ 86.43:
Վարկանիշային աղյուսակում առաջին հորիզոնականում գտնվում է Վելինգտոնը՝ Նոր Զելանդիայի մայրաքաղաքը (221.24 միավոր), իսկ վերջին հորիզոնականում Վենեսուելայի մայրաքաղաք Կարակասն է՝ 0 միավորով: