«Եվրատեսիլ-2017» երգի մրցույթում հաղթեց Պորտուգալիայի ներկայացուցիչ Սալվադոր Սոբրալը Amar Pelos Dois երգով:
Սոբրալը հաղթեց ինչպես ժյուրիի քվեարկության արդյունքներով, այնպես էլ՝ հանդիսատեսի: Նա հավաքեց ընդհանուր 758 միավոր:
Երկրորդ տեղը զբաղեցրեց Բուլղարիայի ներկայացուցիչ Քրիստիան Կոստովը Beautiful Mess ստեղծագործությամբ: Երրորդ հորիզոնականը զբաղեցրեց Մոլդովայի ներկայացուցիչ SunStroke Project խումբը Hey Mamma երգով:
Մեր երկիրը ներկայացնող Արծվիկը զբաղեցրեց 18-րդ հորիզոնականը: