Apple ամերիկյան տեխնոլոգիական հսկան գնել է ֆիննական Beddit ընկերությունը, որը մասնագիտացած է քնին հետևող սարքերի, թևնոցների արտադրության վրա։ Այս մասին հայտնում է TechCrunch-ը։ Գործարքի արժեքի մասին չի հաղորդվում։
Beddit-ը հիմնադրվել է 10 տարի առաջ, 2015 թվականից այն իր արտադրանքն է վաճառում Apple-ի ֆիրմային խանութներում։ Գոյության ընթացքում ընկերությունը ներգրավել է մոտ 3.5 մլն դոլարի ներդրում։
Պարբերականը ենթադրություն է հայտնել, որ Apple-ն անձամբ չի թողարկի քնին հետևող սարքեր։ Կորպորացիային կարող են հետաքրքիր լինել Beddit-ի սարքերում կիրառվող տեխնոլոգիաները։