Չինաստանի ղեկավարությունը Հյուսիային Կորեայի հետ սահմանին հավելյալ զորքեր է տեղակայել Կորեական թերակղզում լարվածության կապակցությամբ:
Ինչպես հաղորդում է TASS գործակալությունը՝ վկայակոչելով ճապոնական ԶԼՄ-ները, Չինաստանը Հյուսիսային Կորեայի հետ սահմանին տեղակայել է մինչև 100 հազար զինվորականներ: Բացի այդ բարձրացվել է Չինաստանի Զինված ուժերի զգոնությունը: Տեղեկտվության համաձայն՝ Չինաստանը նման միջոցներ է ձեռնարկել ապրիլի կեսերից:
Հիշեցնենք, որ Միացյալ Նահանգները վերջերս բազմիցս հայտարարել է, որ չի բացառում գործողությունների ոչ մի տարբերակ, երբ խոսքը Հյուսիային Կորեայի մասին է, որը ակտիվ կերպով զարգացնում է իր միջուկային ծրագիրը: