Ֆրանսիայի ԱԳ նախարար Ժան-Մարկ Էյրոն ԱՄՆ-ի կողմից Սիրիայի տարածքին ուղղված հրթիռակոծումն անվանել է ազդանշան Ռուսաստանի և Իրանի համար, հաղորդում է Atlantico-ն:
«Ռուսները և իրանցիները պետք է հասկանան, որ Ասադին աջակցելն անիմաստ է, մենք առճակատում չենք ցանկանում նրանց հետ»,-ասել է նախարարը:
Էյրոն ԱՄՆ-ի իշխանությունների գործողությունները որակել է որպես Ասադի իշխանության քրեական բնույթի «ճանաչում»:
Հիշեցնենք, որ ԱՄՆ-ը թևավոր հրթիռներ է արձակել Սիրիայի ուղղությամբ՝ ի պատասխան օրեր առաջ Իդլիբում ավիահարձակման, որի ժամանակ, ըստ ամենայնի, քիմիական զենք է կիրառվել: