Մարիամ Շահինյանը համարվում է առաջին կինը, ով Թուրքիայում սկսել է զբաղվել լուսանկարչությամբ, հայտնում է novosti-n.org-ը: Հայ փախստականը, ով գիտեր մի քանի լեզու, կյանքի մեծ մասը ղեկավարել է հոր ֆոտոստուդիան: Բացի մեծահարուստ թրքուհիներից, նա լուսանկարել է կանանց հագուստով տղամարդկանց, աղանդավորներին և էթնիկ փոքրամասնության ներկայացուցիչներին:
Մարիամ Շահինյանը ծնվել է 1911 թվականին Թուրքիայում ունևոր ընտանիքում: Նրա հայրը եղել է 1877 թվականին ստեղծված առաջին օսմանյան կառավարությունում Սիվաս նահանգի ներկայացուցիչը:
1915 թվականի Ցեղասպանությունից հետո Շահինյանների ընտանիքը փախել է Ստամբուլ, որտեղ նրանք բնակվել են Հարբի թաղամասում, որտեղ էթնիկ զտում չի կատարվել, և շուտով հարմարվել են նոր կյանքին: Մարիամը այցելել է տեղի հայկական դպրոցը: Բացի հայերենից, նա սովորել է թուրքերեն, իտալերեն և ֆրանսերեն:
Մարիամի հայրը հետաքրքրվել է լուսանկարչությամբ: 1933 թվականին նա սկսել է աշխատել Ստամբուլի Բեյողլու թաղամասի Գալաթասարայի ստուդիայում: 1936 թվականին մահանում է նրա կինը, և Մարիամը ստիպված թողնում է ֆրանսիական դպրոցը, որպեսզի օգնի հորը աշխատանքում: 1937 թվականին նա արդեն ստուդիան ղեկավարում էր ինքնուրույն և դրանով է զբաղվում մինչև 1985 թվականը:
Շահինյանը մահացել է 1996 թվականին: Նրան թաղել են հայկական գերեզմանոցում: