Այսօր հրավիրված ասուլիսին ՕՐՕ դաշինքի անդամ Վարդան Օսկանյանը հանդես եկավ «Ծառուկյան» դաշինքի հետ համագործակցության կոչով: «Ժառանգություն» կուսակցության առաջնորդ, ՕՐՕ դաշինքի անդամ Րաֆֆի Հովհաննիսյանն «Առաջին լրատվական»- ի հետ զրույցում, անդրադառնալով հարցին, թե ինչ երաշխիք կա, որ այդ համագործակցությունը կյանքի կկոչվի, նշեց. «Մինչև հիմա հետընտրական շրջանը չի քննարկվել: Նախընտրական գործընթացի այս ապօրինի վիճակից և ընթացակարգից հետո կլինեն ընտրությունները, ինչի հիման վրա ամբողջովին կգնահատենք այս օրենքից դուրս, բռնություններով, բանտարկություններով, ադմինիստրատիվ ռեսուրսի կիրառման հագեցվածությամբ գործընթացը, և նաև արդյունքների հիման վրա արդեն կորոշենք, թե նոր մեծամասնությունն ինչ եղանակով պիտի կազմվի»:
«Որևէ կոնկրետ անուն չի տրվել,- նշեց Րաֆֆի Հովհաննիսյանը և ընդգծեց. «Չի բացառվում համագործակցությունն այն ուժերի հետ, որոնք պատրաստ են կիսել այն գաղափարը, որ Հայաստանը պետք է ազատագրվի ոչ միայն տարածքով, այլ նաև հայ մարդը պետք է ազատ լինի և նրա իրավունքները պետք է պաշտպանված լինեն սեփական երկրում»:
«Ժառանգության» առաջնորդը նաև վստահեցրեց. «Մենք պատրաստ ենք ժողովրդի ընդվզման պատվերն իրականացնել»:
Մանրամասները՝ տեսանյութում:
