Մոնպելիե քաղաքի հրշեջ բրիգադն իրականացրել է Ֆրանսիայի տարեց կին բնակիչներից մեկի երազանքը՝ ծննդյան 112-րդ տարեդարձին նրան պտտեցնելով հրշեջ ծառայության մեքենայով։ Այս մասին հայտնում է France Info հեռուստաալիքը։
Մաթիլդա Լարտիգը ծնվել է 1905 թվականի մարտի 24-ին։ Նա ֆրանսիացի երկարակյացների ցուցակում 7-րդ տեղն է զբաղեցնում։ Ինչպես նշում է France Info-ն՝ նա իր երկար կյանքի ընթացքում տեսել է 17 նախագահ և 2 համաշխարհային պատերազմ, դարձել վարորդական իրավունք ստացած առաջին կանանցից մեկը, սակայն մինչ օրս երազել նստել հրշեջ ծառայության մեքենայի խցիկում։
Տիկնոջ անկեղծ ցանկության մասին հրշեջներին հայտնել էին Մոնպելիեի ծերանոցի աշխատողները։ Հրշեջ ջոկատը ժամանել է հոբելյարի մոտ, նրան մոմերով տորթ նվիրել և զբոսանք առաջարկել։ Փողոցում կնոջը նստեցրել են հրշեջ մեքենան, և նրանք միասին շրջել քաղաքի փողոցներով։
