Արարատի մարզի Վեդի քաղաքում այսօր՝ մարտի 24-ին, դիմելով «Ծառուկյան» դաշինքի առաջնորդ Գագիկ Ծառուկյանին, Նորիկ անունով մի տղամարդ հետաքրքրվեց, թե ինչպես է լուծվելու իրենց մարզում գործող ցեմենտի գործարանի հարցը, քանի որ ցեմենտի փոշին վտանգավոր է իրենց առողջության համար, այնուհետև հարցրեց, թե ինչ է արել Հովիկ Աբրահամյանը վարչապետ աշխատած տարիներին իր հարազատ մարզի համար. «Հովիկ Աբրահամյանն էն ժամանակ մարզպետ էր, հետո դարձավ վարչապետ, իրա ռայոնի համար ի՞նչ արեց, ձեռը բռնին ասին՝ մի արա՞»:
Հարցին Ծառուկյանը չպատասխանեց, այլ հարցրեց, թե «ով է նրան պարապած ուղարկել». «Քո դասատուն ո՞վ ա, մենակ ճիշտն ասա, տղուդ անունով երդվի, քեզ ո՞վ ա ուղարկել, Նորի՛կ»:
«Իմ դասատուն ես եմ»,- պատասխանեց քաղաքացին և ուզում էր հեռանալ, Ծառուկյանը հետ կանչեց: «Արա՛, մի րոպե արի ստե, համարդ գրի, արա քու հարցերը կարգավորում եմ, եղբայր, ի՞նչ ես ուզում»,- ասաց Ծառուկյանը և սկսեց գրի առնել քաղաքացու հեռախոսահամարը:
Մանրամասները՝ տեսանյութում: