Fortinet ընկերության փորձագետները Microsoft Word-ի փաստաթղթերում բացահայտել են վնասակար մակրոս, որը թույլ է տալիս հարձակումներ գործել Windows և macOS օպերացիոն համակարգերի վրա: Խոցման մենխանիզմը մասնագետները նկարագրել են իրենց կայքում:
Նշվում է, որ մակրոսը սկրիպտ է պարունակում, որը գրված է Python լեզվով: Այն որոշում է համակարգչի օպերացիոն համակարգը, այնուհետև ներբեռնում է վնասակար հավելվածի երկու տարբերակներից մեկը՝ չարագործների սերվերներից: Մասնագետները չեն կարողացել պարզել, թե ինչի համար է նախատեսված հաքերային ծրագիրը, քանի որ վերջինս կառավարող սերվերն անջատված է եղել:
Հիշեցնենք, որ ավելի վաղ Pwn2Own 2017 ցանցահենների ամենամյա մրցույթին մասնակիցները հարյուրավոր հանդիսատեսի աչքի առաջ կոտրել էին Microsoft Windows և Apple MacOS օպերացիոն համակարգերը:
