Գանայում ծառի անկման հետևանքով զոհվել են 20 դպրոցականներ՝ հայտնում է BBC-ն։
Դեպքը տեղի է ուեցել մարտի 19-ին, հանրահայտ զբոսաշրջային Կինտամպո վայրում։ Ավագ դպրոցի աշակերտներն այնտեղ էքսկուրսիա էին գնացել՝ ջրվեժով հիանալու համար, և որոշել են լողալ։
Անձրևոտ փոթորիկ է սկսվել, և մեծ ծառն ընկել է հենց այն ջրի մեջ, որտեղ լողացել են մարդիկ։ Տեղի ունեցածի հետևանքով 18 աշակերտներ տեղում մահացել են, ևս 2-ը մահացել են հիվանդանոցում։
Տարբեր գնահատականներով՝ բուժում են անցնում 11-20 անձիք, որոնց թվում է դպրոցի ադմինիստրատորներից մեկը, ով պատասխանատու է եղել էքսկուրսիայի համար։
Ականատեսների խոսքով՝ տուժածներին փրկելու համար փրկարարները ստիպված են եղել կտրել հսկա ծառի ճյուղերը։
