Ավստրիայում՝ Իմստ շրջանում, նացիստական համակենտրոնացման ճամբարի տեղում սկսել են կառուցել երշիկի գործարան, հայտնում է RT-ն:
Ավստրիայի Հայմինգ համայնքի ակտիվիստները դեմ են հանդես եկել, որ այդ վայրում կառուցեն երշիկի գործարան, որտեղ զոհվել է շուրջ 300 մարդ:
Երկրորդ համաշխարհային պատերազմի վերջում ճամբարը քանդվել է և ավելի քան 10 հա տարածք անցել է Tiwag էլեկտրաէներգետիկ ընկերությանը: Վերջերս Tiwag-ը վաճառել է այդ հողը Handl Tyrol երշիկի գործարանին: Հայմինգի տասնյակ բնակիչներ դիմել են դատարան, փորձելով հասնել առք ու վաճառքի պայմանագրի չեղարկման:
Սակայն տեղի դատարանում ակտիվիստներին չի հաջողվել շահել դատը, այդ պատճառով նրանք կրկնակի հայց են ներկայացրել ավելի բարձր ատյաններ:
