«Պետություն-մասնավոր համագործակցության համար միակ գոծող հարթակները խորհուրդներն են: Ունենք Կոռուպցիայի դեմ պայքարի խորհուրդ, վարչապետին կից ՓՄՁ զարգացման խորհուրդ, որոնք այն աստիճանի արդյունավետ չեն գործում, ինչքան կցանկանայինք՝ որպես քաղհասարակական կառույցներ: Այլ երկխոսության հարթակներ չունենք, դրա համար պետք է պատրաստվենք և հանդիպումների ժամանակ ավելի ուժեղ հիմնավորումներով գնանք առաջ»: Այս մասին «Առաջին լրատվական»- ի հետ զրույցում ասաց ՓՄՁ համագործակցության ասոցիացիա» ՀԿ նախագահ Հակոբ Ավագյանը:
Օրերս կառավարությունում տեղի ունեցած Կոռուպցիայի դեմ պայքարի խորհրդի հերթական նիստին, որին մասնացել է նաև ՓՄՁ համագործակցության ասոցիացիա ՀԿ-ն, Հակոբ Ավագյանի հավաստմամբ՝ քննարկվող առաջին հարցերը վերաբերել են հարկային, մաքսային դաշտին և պետական գնումներին:
«ՊԵԿ-ը ևս նախաձեռնել է հակակոռուպցիոն հայեցակարգ: Վարչապետի կողմից հանձնարարական է եղել հակակոռուպցիոն հայեցակարգերը և մեր բարձրացրած խնդիրները համեմատել: Դրանց մեծ մասը համընկնում են»,- նշեց Հակոբ Ավագյանը:
Նա նաև անդրադարձավ այն խնդիրներին, որոնց ՓՄՁ -ներն առնչվում են մաքսային և հարկային դաշտում՝ ընգծելով. «Որ պահին մեր երկրի մաքսային «դարպասներն» ուղղենք, այն շղթայական կազդի մեր երկրի տնտեսության վրա:
Կան խնդիրներ, որոնք առաջանում են այն պատճառով, որ օրենքը թույլ է տալիս հայեցողական մոտեցում ցուցաբերել. որ օրենքում «կամ-կամ»-երը շատ են, այնտեղ հայեցողական մոտեցումը շատ է, պետք է վերացնել «կամ-կամ»-երի ինստիտուտը, որը բերում է տնտեսական անարդար մրցակցության:
Մաքսային դաշտի խնդիրներից են ոչ ճիշտ հայտարարագրումները, որոնք խոչընդոտներ են առաջացնում ներմուծմամբ զբաղվող տնտեսվարողների համար, ովքեր հրաժարվում են միջնորդ մեխանիզմներից: Այս հարցի լուծման համար ընդամենը քաղաքական կամք է հարկավոր»:
Մանրամասները՝ տեսանյութում: