ԴԱԻՇ ահաբեկչական խմբավորման գրոհայիններն իրենց ընտանիքների զանգվածային տարհանում են իրականացնում Մոսուլի արևմտյան թաղամասերից՝ Իրաքի կառավարական ուժերի առաջխաղացման ֆոնին։ Այս մասին հայտնում է Alsumaria հեռուստաալիքը՝ հղում անելով քաղաքում գտնվող ականատեսներին։
Հեռուստաալիքի փոխանցմամբ՝ քաղաքի ներսում ապստամբությունը թափ է հավաքում։ Գրոհայինների շտաբ-բնակարաններն ու ջոկատները ենթարկվում են համակարգված հարձակումների։
Ինչպես նշում է Sky News Arabia հեռուստաալիքը՝ գործողության այս փուլում հիմնական թիրախ են մնում Էլ-Գազլանի ռազմական ճամբարն ու Մոսուլից հարավ ընկած ավիաբազան՝ ԴԱԻՇ-ի պաշտպանության առաջին գիծը։