«Հայկական վերածնունդ» կուսակցության առաջնորդ Արթուր Բաղդասարյանն այսօր լրագրողների հետ հանդիպմանը, արձագանքնելով սոցցանցերում քննադատության ենթարկված իր «կաշիներդ կքերթեմ» արտահայտությանը, մանրամասնեց. «Ես խոսել եմ իմ թիմակիցների՝ 2500 հոգու հետ և ժողովրդական ընդունելի մի դարձվածք եմ ասել՝ կաշիներդ կքերթեմ, եթե լավ չաշխատեք։ Դրան հաջորդեց ջերմ ծափահարությունները դահլիճում, որովհետև ես խոսում եմ իմ թիմի հետ, ես խոսում եմ իմ զորքի հետ։ Դահլիճում նստած այդ մարդկանցից 99 տոկոսի հետ ես 20 տարվա ճանապարհ եմ անցել, նրանք իմ հարազատներն են»։
Արթուր Բաղդասարյանն անդրադառնալով իր ղեկավարած քաղաքական ուժի՝ Մարտի 1-ի հետ առնչությանը՝ հայտարարեց, որ ՕԵԿ-ը, հիմա արդեն «Հայկական վերածնունդը», Մարտի մեկի դեպքերի հետ որևէ առնչություն չունի: «Ով որ խոսում է մեր առնչության մասին, ես դա ազնիվ չեմ համարում… Առանց այն էլ այսօր ունենք ծվատված հասարակություն, սահմաններում դժվար վիճակ, ԼՂ չկարգավորված հիմնախնդիր: Եթե Հայաստանը ենթարկվեր այնպիսի ցնցումների, ինչիսին այսօրվա Ուկրաինան, նաև Վրաստանը, որոնք տարածքներ կորցրեցին, ո՞վ էր պատասխան տալու, եթե Ղարաբաղը այսօր չունենանյինք:
Նրանք, ովքեր Ազատության հրապարակի տերերն էին՝ մի կողմից, և մյուս կողմից ովքեր հրաման տվեցին և զենք կիրառեցին, նրանք են պատասխանատուները: Նրանք, ովքեր այնտեղ հավաքել էին ժողովրդին և տրնգի էին պարում»:
Մանրամասները՝ տեսանյութում: