Հայաստանի Հանրապետական կուսակցության կենտրոնական գրասենյակում կուսակցության փոխնախագահ Հովիկ Աբրահամյանից ՀՀԿ-ից դուրս գալու դիմում չեն ստացել: «Արմենպրես»-ի հետ զրույցում այս մասին հայտնել է ՀՀԿ կազմակերպչական հանձնաժողովի նախագահ Ռուբեն Թադևոսյանը` անդրադառնալով կայքերից մեկի տարածաÕ ® լուրին, թե Հովիկ Աբրահամյանը հեռացել է ՀՀԿ-ից:
«Հայաստանի Հանրապետական կուսակցության գրասենյակը նման տեղեկատվության չի տիրապետում: Այս պահի դրությամբ մենք Հովիկ Աբրահամյանից կուսակցությունից դուրս գալու վերաբերյալ դիմում չենք ստացել»,- ասաց Թադևոսյանը:
Կայքերից մեկը տեղեկատվություն է տարածել, որ ՀՀԿ փոխնախագահ, ՀՀ նախկին վարչապետ Հովիկ Աբրահամյանին չեն գոհացրել իր քաղաքական ապագայի վերաբերյալ հարցեր ճշտելու բանակցությունները և նա որոշում է կայացրել հեռանալ ՀՀԿ-ից: