Habertürk-ի փոխանցմամբ՝ Տիգրիս գետի վրա կառուցվող Ըլըսուի ամբարտակը երկրի տնտեսության մեջ կունենա տարեկան 1.3 միլիարդ լիրա (մոտ 350 միլիոն դոլար)։
Այդ մասին հայտարարել է Թուրքիայի ջրային գործերի ու անտառտնտեսության նախարար Վեյսել Էրօղլուն։ Նա ընդգծել է, որ Ըլըսուի ամբարտակի ու հէկ-ի կառուցումը գնահատվում է 1 միլիարդ եվրո։
Նախարարն ուշադրություն է հրավիրել նրա վրա, որ Ըլըսուի ամբարտակը Հարավ-անատոլիական մեծ նախագծի (GAP) երկու հենասյուններից է, և միայն նրա հէկ-ն իր արտադրած էլեկտրաէներգիայով երկրի տնտեսությունում կունենա 1.3 միլիարդ լիրայի ներդրում.
«Բացի այդ, Ըլըսուի ամբարտակը կստեղծի 4000 աշխատատեղ։ Ըլըսուի ամբարտակի կառուցումն ավարտված է 88 տոկոսով, իսկ Սիլվանի ամբարտակը՝ 62 տոկոսով։
GAP-ի շրջանակներում ծրագրված է ոռոգել 10 միլիոն 580.000 հեկտար։ GAP-ի ավարտը նախատեսվում է 2019 թվականին։ Նախագիծը Թուրքիայի տնտեսությունում կունենա տարեկան 6.6 միլիարդ դոլարի ներդրում»։