CNN հեռուստաընկերությունը եթերից անջատել է երգչուհի Մադոննայի խոսքը ԱՄՆ նախագահ Դոնալդ Թրամփի հասցեին ցենզուրայից դուրս խոսքերի համար:
Մադոննան ելույթ է ունեցել Վաշինգտոնում բողոքի զանգվածային ակցիայի ժամանակ, որին, տարբեր գնահատականներով, մինչև կես մլն մարդ է հավաքվել: Ելույթի ընթացքում Մադոննան երկու անգամ հայհոյել է Թրամփին, ինչից հետո հեռարձակումն ընդհատվել է, իսկ CNN-ի հաղորդավարուհին ներաղություն է խնդրել հեռուստադիտողներից ցենզուրայից դուրս բառապաշարի համար: «Մենք սրանից ձեռնպահ կմնանք: Սա Մադոննան է, մենք չգիտեինք՝ նա ինչ էր պատրաստվում ասել»,- ասել է հաղորդավարուհին:
Ելույթի ընթացքում Մադոննան երգել է իր Express Yourself երգը, որում ևս տեքստը փոխել է՝ հայհոյելով Թրամփին:
Վաշինգտոնում բողոքի ակցիայի ընթացքում ելույթ են ունեցել մի շարք այլ հայտնի գործիչներ, այդ թվում՝ երգչուհի Ալիշա Քիզը, ռեժիսոր Մայքլ Մուրը, դերասանուհի Սքարլեթ Յոհանսոնը: