Հայաստանի պաշտպանության նախկին նախարար Վաղարշակ Հարությունյանը առաջիկա խորհրդարանական ընտրություններին մասնակցելու որոշում առայժմ չունի։ «Առաջին լրատվական»-ին այս մասին ասաց ինքը՝ Հարությունյանը։
Մեր զրուցակիցը հերքեց այն տեղեկությունը, որ ինքը հնարավոր է աջակցի պաշտպանության նախկին նախարար Սեյրան Օհանյանի քաղաքական թիմին։ Դիտարկմանը, թե նախկինում ինքն աջակցել է Սեյրան Օհանյանի՝ որպես նախարարի գործունեությանը, Հարությունյանն ասաց, որ ինքը բանակին է աջակցել։
Հարցին՝ ինչպե՞ս է վերաբերվում Սեյրան Օհանյանի՝ քաղաքական դաշտ մուտք գործելու հանգամանքին, Վաղարշակ Հարությունյանն ասաց, որ չի ցանկանում մեկնաբանել. «Ինձ առայժմ հայտնի չէ, թե նա ինչ գործունեություն է ծավալելու, նա չի հստակեցրել։ Ես կաշկանդված չեմ ասել՝ եթե չհամաձայնվեմ»։
Լուսանկարը՝ Photolure-ի
