Բերկլիի համալսարանի հետազոտողները հայտարարել են, որ խոցելիություն են հայտնաբերել WhatsApp-ում, որը թույլ է տալիս կարդալ օգտատերերի նամակագրությունը, հաղորդում է The Guardian պարբերականը։
Նշվում է, որ end-to-end կոդավորման համակարգը WhatsApp-ում այնպես է ներդրված, որ անհրաժեշտության դեպքում Facebook-ը կարողանա որսալ օգտարերերի նամակագրությունը։ Այդ պատճառով WhatsApp-ը ինքնուրույն կրկին գեներացնում է կոդավորման բանալիները, որից հետո համակարգը վերակոդավորվում է և կրկին հաղորդագրություններ է ուղարկում, որոնք նշված չեն եղել որպես «ստացված»։
Facebook-ը խոցելիության մասին տեղեկացված է եղել դեռևս 2016թ․, սակայն ոչ մի գործողություն չի ձեռնարկել, քանի որ «բնական է» համարել մեսենջերի «վարքը»։ The Guardian-ը պարզել է, որ խոցելիությունը պահպանվում է մինչև օրս։
