«Հայաստանի Հանրապետությանն այսօր դեֆոլտ է սպառնում։ Եթե հիմա սա չընկալվի, ընդամենը ամիսներ անց հետևանքները ծանր են լինելու»,- ԱԺ հայտարարությունների ժամին հայտարարեց ԱԺ «Ժառանգություն» խմբակցության պատգամավոր Թևան Պողոսյանի պատգամավորը։
Նա նշեց, որ իր խոսքը ամենևին էլ այն դեֆոլտի մասին չի խոսում, որն իրար հերթ չտալով բացառում են ՀՀ պետական չինովնիկները, և խոսքը պետության ֆինանսական անվճարունակության մասին չէ ամենևին։ «Այդ հարցում հանգիստ եմ, քանի որ, ի վերջո, պետության ֆինանսական կայունության համար պատասխանատուն Կենտրոնական բանկն է, որտեղ աշխատում է իրոք փայլուն թիմ։ Ինստիտուցիոնալ կայացման առումով մի երկու տասնամյակ հետ մնացած կառավարության կառույցները որքան էլ համը հանեն, միևնույն է, Կենտրոնական բանկը գտնելու է վիճակը փրկելու բանալին. այդ հարցում ես կասկած չունեմ»,- ասաց Թ. Պողոսյանը։
Պատգամավորը նշեց, որ նկատի ունի հասարակության հույսերը գոնե նվազագույնս բավարարելու «դեֆոլտը»: «Վերջին ամիսների ընթացքում մենք այնքան խոսեցինք նոր սահմանադրության մասին, այնքան խոսեցինք բոլորով ձեռք-ձեռքի տված ու ընդունած ընտրական օրենսգրքի մասին, այնքան երազ պատմեցինք պուպուշ երկիր կառուցելու մասին, այնքան խոսեցինք կոլեկտիվ պատասխանատվության մասին, ժողովրդավարական կառավարման մասին, որ մարդիկ իրենց մեռած հույսները կամաց-կամաց սկսեցին կենդանացնել։ Հիմա շատերը գալիք ընտրություններից հեքիաթ են ակնկալում։ Խեղճ մարդիկ։ Միթե՞ Վանաձորը պարզորոշ ցույց չտվեց, որ գալիք ընտրությունները չլպոցով ապտակ են լինելու հանրային հույսերի այտերին։ Ամեն ինչ դրա համար պատրաստ է կարծես»,- հայտարարեց Թ. Պողոսյանը:
Մանրամասները՝ տեսանյութում:
