Microsoft կորպորացիայի հիմնադիր Բիլ Գեյթսը կարծում է, որ Եվրոպա ժամանող ներգաղթյալները կարող են օգուտ բերել հասարակությանը: Այս մասին ամերիկացի միլիարդատերը հայտարարել է Europe1 ֆրանսիական ռադիոկայանի եթերում։
«Միգրանտները կարող են առավելություն լինել,- Գեյթսի խոսքը մեջբերում Է ռադիոկայանը:-Նրանք կարող են ինտեգրվել Եվրոպայում։
Նրանցից շատերը տաղանդ, ընդունակություններ ունեն: Եթե ներգաղթյալներին լավ հնարավորություններ տրամադրվեն, նրանք կարող են օգուտ բերել հասարակությանը»,-ընդգծել Է նա:
Հոկտեմբերի 24-ին համագործակցության համաձայնագիր է ստորագրվել Ֆրանսիայի զարգացման գործակալության և Բիլ ու Մելինդա Գեյթսերի բարեգործական հիմնադրամի միջև:
Հիշեցնենք, որ այս տարվա մարտին Բիլ Գեյթսը՝ 75 մլրդ դոլար կարողությամբ, հերթական անգամ Forbes հանդեսի կողմից ճանաչվել Է աշխարհի ամենահարուստ մարդը։