Թուրքական Hürriyet թերթի փոխանցմամբ՝ Թեհրանում Թուրքիայի դեսպան Ռըզա Հաքան Թեքինը կանչվել է Իրանի ԱԳՆ։ Այդ մասին հայտնել է Իրանի պետական հեռուստատեսությունը։
Վերջինիս հաղորդմամբ՝ դեսպան Թեքինն Իրանի ԱԳՆ է կանչվել տարածաշրջանային մի շարք զարգացումների վերաբերյալ թուրք մի շարք պետական գործիչների արած և իրականությունից կտրված հայտարարությունների պատճառով։
Իրանի ԱԳՆ-ում խիստ առարկել են Թուրքիայի դեսպանին՝ կապված Թուրքիայի կառավարության այն հայտարարությունների հետ, թե Իրանի վարած դավանաբանական քաղաքականությունը պատճառ է դարձել Իրաքում լարվածության առաջացման։
Իրանի ԱԳՆ-ի խոսնակ Բեհրամ Քասըմին հայտարարել է, որ Իրանի արտաքին քաղաքականության հիմքում ընկած չեն էթնիկ ու դավանաբանական տարբերությունները։
