Անդրադառնալով պաշտպանության ոլորտում տեղի ունեցած փոփոխություններին՝ «Առաջին լրատվական»- ի հետ զրույցում «Զինվոր» համակարգող խորհրդի նախագահ Մարգարիտա Խաչատրյանը նշեց. «Պաշտպանության նախարար Վիգեն Սարգսյանը նորանշանակ նախարար է, բայց մենք չպետք է մոռանանք, որ նա եղել է պաշտպանության նախարարի խորհրդական և տիրապետում է Զինված ուժերի ցանկացած քայլի, ցանկացած աշխատանքի: Ինչ վերաբերում է Գլխավոր շտաբի փոփոխությանը, Մովսես Հակոբյանը երկար տարիներ եղել է պաշտպանության բանակի հրամանատար:
«Ես չեմ կարծում, որ նախարարությունում տեղերը փոխելուց բանակում ինչ-որ բաներ պետք է փոխվեն: Ով էլ ուզում է լինի՝ պաշտպանության նախարարը, թե շտաբի պետը, ակնկալում եմ, որ իրենք և իրենց տեղակալները չեն զբաղվի աթոռաճոճությամբ և բանակ – հասարակություն կապը, բանակ – զինվոր – սպա հարաբերությունները, զինվոր – զինվոր հարաբերությունները պետք է բարձրագույն տեղում լինեն և ամենամեծ ուշադրությանն արժանանան և պետք է մարդասիրական վերաբերմունք լինի այդ հարաբերություններում:
94թ-ից հայտարարված է զինադադար, բայց ոչ մեկը չի կարող ինձ ապացուցել, որ մենք ունեցել ենք զինադադար: Երբ որ ցանկացած ղեկավար խրամատում կանգնի զինվորի կողքին, կնկատի, որ զինադադար չկա, կրակի տակ մեր զինվորները ծառայություն են իրականացնում: Պետք է լինենք միասնական, կանգնենք զինվորի կողքին, հակառակորդը այս անգամ մեծ թափով է սկսելու»:
Մանրամասները՝ տեսանյութում: