ԱԺ արտահերթ նիստում ԸՕ փոփոխությունների նախագծի քննարկման ժամանակ հարակից զեկուցող` պետաիրավական հարցերի հանձնաժողովի նախագահ Հովհաննես Սահակյանը եզրափակիչ ելույթ ունեցավ` նշելով, որ սա այն նախագիծն է, որ ստորոգրել են 5 քաղքական ուժեր, և որ քննարկման ժամանակ բոլոր ոչ իշխանական քաղաքական ուժերն ասում էին, թե բոլոր հարցերը կեղծ են, եթե չեն հրապարակվելու քվեարկածների ցուցակները: Եվ հիմա, երբ արդեն փաստ է, որ հնարավոր է հրապարակել քվեարկածների ցուցակները, ոչ իշխանական ուժերն արդեն անցել են Վանաձորի ու Գյումրիի ընտրություններին:
«Գյումրի-Վանաձոր մայրուղուց պետք է արդեն դուրս գալ, անցել է արդեն այդ ամենը, պետք է նայենք առաջ, տեսնենք ինչ մեխանիզմներ կարող ենք ներդնել: Ես կարծում եմ , որ շատ լավ գործ ենք արել, պետք չէ քաղաքական մեկ-երկու րոպեանոց քաղքական հաճույքի համար այստեղից ինչ ասես խոսել»,- ասաց Հովհաննես Սահակյանը: