Ռազմահայրենասիրական դաստիարակությանն ուղղված ծրագրերի իրականացման շրջանակում ԵՊՀ պատերին հայտնվել են գրաֆիտիներ, որոնցում պատկերված են ապրիլյան պատերազմում առավել քան հատկանշական մարտական գործողությունների մասնակցած հերոսներ Արմենակ Ուրֆանյանի և Ռոբերտ Աբաջյանի դիմանկարները: Շուտով նաև Բենիամին Եղոյանի դիմանկարը ևս կհայտնվի նրանց կողքին:
Նկարներին կից կան ուսանողներին և անցորդներին ուղղված կոչեր և հորդորներ՝ հայրենիքը գործով և ոչ թե խոսքով սիրելու մասին: Ռ. Աբաջյանի նկարի մոտ գրված է. «Նա մինչև վերջին պահը չլքեց հայրենիք, մի՛ լքիր հայրենիքդ»: Ա. Ուրֆանյանի նկարի մոտ գրված է. «Նրա առաքելությունն էր պաշտպանել, քո առաքելությունն է սովորել»:
Բենիամին Եղոյանի նկարի մոտ գրված կլինի. «Նրա զենքը տանկն էր, նա խոցեց բազմաթիվ թիրախներ, քո զենքը գիտելիքն է»:
«Ամեն օր, ամեն պահի, մենք պետք է հաստատենք, որ նրանք զոհվել են հանուն մեր հայրենիքի և հանուն մեր ապագայի»,- «Առաջին լրատվական»- ի հետ զրույցում ասաց ԵՊՀ մարտական պատրաստության ակումբի հրամանատար Արմեն Խաչիկյանը, ով նախաձեռնել է այս աշխատանքների իրականացումը:
ԵՊՀ ուսանողուհու խոսքով՝ այս նկարները լուռ չեն, նրանք խոսում են, ասելիք ունեն:
Մանրամասները՝ տեսանյութում:
