Ռուսաստանը հոկտեմբերի 1-ից դառնում է ՄԱԿ-ի Անվտանգության խորհրդի նախագահ։ Ռուսաստանի նախագահությունն այդ ազդեցիկ միջազգային կազմակերպությունում համընկնում է սիրիական ճգնաժամի սրման շրջանի, ինչպես նաև ՄԱԿ-ի նոր գլխավոր քարտուղարի ընտրությունների վճռորոշ փուլի հետ։
ԱԽ առաջին հանդիպումը տեղի կունենա երկուշաբթի՝ հոկտեմբերի 3-ին։ Սպասվում է, որ հանդիպմանը կհաստատվի ընթացիկ ամսվա աշխատանքի ծրագիրը։
«Ռուսական նախագահության կենտրոնական միջոցառումը կդառնան հոկտեմբերի 28-ի դեբատները տարածաշրջանային կազմակերպությունների հետ (ՀԱՊԿ, ՇՀԿ և ԱՊՀ) ՄԱԿ-ի համագործակցության վերաբերյալ»,- հայտնել են TASS գործակալությանը դիվանագիտական առաքելությունից։
