Ռուս մարմնամարզուհի Ալինա Կաբաևան հանրության առջև է հայտնվել 2 տղաների հետ, ձեռքին՝ ամուսնական մատանի: Բրիտանական Daily Mail պարբերականը ենթադրել է, որ դա Ռուսաստանի նախագահ Վլադիմիր Պուտինի «գաղտնի ընտանիքն է»:
Պարբերականը գրում է, որ 33-ամյա Կաբաևան, որի և Պուտինի կապի մասին գրում են 2008 թվականից, ժամանել է Մոսկվայի Մեգասպորտ պալատում անցկացվող սառցե շոուին 2 տղաների հետ, որոնց տարիքն անհայտ է, և ամբողջ ժամանակ փորձել է տեսախցիկներից թաքցնել ամուսնական մատանին:
2014 թվականի սեպտեմբերին Կաբաևան ավարտել է իր պատգամավորական գործունեությունը ՌԴ Պետդումայում և զբաղեցրել է «Ազգային մեդիա խումբ» հոլդինգի տնօրենների խորհրդի նախագահի պաշտոնը:
Հիշեցնենք, որ Վլադիմիր Պուտինը պաշտոնապես ամուսնալուծվել է 2013 թվականի ապրիլին: