Ստեֆանի Ռոս ԴեՍիմոնը՝ 2001 թվականի սեպտեմբերի 11-ին Պենտագոնում զոհված զինվորականներից մեկի այրին, հայց է ներկայացրել Սաուդյան Արաբիայի դեմ՝ հայտնում է Bloomberg գործակալությունը։
Դա առաջին նման հայցն է, որով ԱՄՆ քաղաքացին դիմել է դատարան այն բանից հետո, երբ ԱՄՆ կոնգրեսը շրջանցել է երկրի նախագահ Բարաք Օբամայի վետոն և հաստատել օրենքը, որը թույլ է տալիս դատի տալ Սաուդյան Արաբիային։
Այրին իր հայցում հաստատում է, որ Սաուդյան Արաբիան նյութական աջակցություն է ցուցաբերել «Ալ-Քաիդային» և դրա առաջնորդ Ուսամա բեն Լադենին, որոնք հանդիսանում են հարձակումների կազմակերպիչ և իրագործող, և որոնք մի քանի հազար ամերիկացիների կյանք են խլել։
ԴեՍիմոնը հղի է եղել, երբ ծովային նավատորմի հրամանատար Պատրիկ Դանը սպանվել է։ Հայցը ներկայացվել է նաև այրիի դստեր անունից։
Նրանք Սաուդյան Արաբիայից պահանջում են փոխհատուցում։
Ինքնաթիռներն առևանգած 19 ծայրահեղականներից 15-ը եղել են Սաուդյան Արաբիայի քաղաքացիներ։ Էր Ռիադը հերքում է մասնակցությունը հարձակումներին։
