Գոլֆն առողջության համար շատ օգտակար է՝ կարծում են շվեդ հետազոտողները: Այս մասին հայտնում է newsyou.info-ն: Փորձը ցույց է տալիս, որ գոլֆ խաղալը նվազեցնում է վաղաժամ մահվան ռիսկը և ավելացնում կյանքի տևողությունը:
Կարոլինսկա ինստիտուտի գիտնականներն ուսումնասիրել են գոլֆի ազդեցությունը 300 հազար խաղացողների առողջության վրա: Արդյունքում պարզվել է, որ գոլֆ խաղացողների վաղաժամ մահվան ռիսկը նրանց տարիքի մարդկանց համեմատ 40%-ով փոքր է, իսկ կյանքի տևողությունը՝ 5 տարով ավելի:
«Գոլֆ խաղալը նշանակում է, որ դուք թարմ օդ եք շնչում և մոտ 6-7 կմ քայլում եք արագ քայլքով: Գոլֆը նաև ամրապնդում է սոցիալական կապերը և դրականորեն ազդում հոգեկան առողջության վրա»,- բացատրում են գիտնականները:
Գոլֆն օգտակար է խաղացողների համար՝ անկախ տարիքից, սեռից կամ սոցիալական խմբից: