Երբ Մոսկվան ու ԱՄՆ-ը հետաքրքրված են համագործակցությամբ, երկու կողմերը հասնում են «ֆանտաստիկ բաների»՝ ուրբաթ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Երբ մենք ունենք միասին աշխատելու ցանկություն, նկատի ունեմ և՛ ամերիկյան, և՛ ռուսական կողմերին, մեզ մոտ ստացվում են ֆանտաստիկ բաներ»,- հայտարարել է Զախարովան «Գովորիտ Մոսկվա» ռադիոկայանի եթերում՝ օրինակ բերելով Սիրիայի քիմիական զինաթափման հարցում համագործակցության դրական փորձը։
Նա ընդգծել է, որ Մոսկվան կպատասխանի բոլոր հայտարարություններին ու մեղադրանքներին, որոնք վերջին շրջանում Վաշինգտոնից հնչեցվել են Ռուսաստանի հասցեին։