Բրիտանական Reuters լրատվական գործակալության փոխանցմամբ՝ Թուրքիայի պաշտպանության նախարար Ֆիքրի Ըշըքը հայտարարել է, որ Թուրքիան Սիրիայի հետ 911 կիլոմետրանոց սահմանին արգելապատնեշի կառուցման աշխատանքները կավարտի հաջորդ տարվա գարնանը.
«Մենք ցանկանում ենք, որ Սիրիայի հետ 911 կիլոմետրանոց սահմանը փակվի։ Մենք այն ամբողջությամբ կփակենք մինչև 2017 թվականի գարուն»։
Թուրքիայի իշխանությունները հայտարարում են, որ արգելապատնեշը կօգնի կանխել Սիրիայից Թուրքիա ապօրինի ներգաղթյալների հոսքը։ Ներկա դրությամբ Թուրքիան իր մոտ հյուրընկալել 3 միլիոն սիրիացի փախստականի։
