ԲՀԿ-ն Գյումրիում շարունակում է քարոզարշավը, հաշված օրեր են մնացել քաղաքապետի ընտրություններին:
«Կարևորում եմ Վարդևան Գրիգորյանի խիզախ որոշումը և՛ իրեն, և՛ մեզ՝ բոլորիս պատուհասած այդ դժբախտությունից հետո շարունակել ընտրապայքարը, դա վկայում է այն մասին, որ նա իսկապես պատասխանատվություն է զգում գյումրեցիների առջև»,- այս մասին «Առաջին լրատվական»- ի հետ զրույցում ասաց ԱԺ ԲՀԿ խմբակցության ղեկավար Նաիրա Զոհրաբյանը:
ԲՀԿ ղեկավարը նշեց, որ ստեղծված իրավիճակը բավականին լարված է: Արդեն տեղեկություններ կան Գյումրիում ընտրակաշառք բաժանելու մասին:
«Երեկ տեղեկություն ենք ստացել, որ օպտիկական ակնոցներ բաժանելու պատրվակով մտնում են մարդկանց տուն, ցուցակագրում են, ասում են՝ կգաք քաղաքապետարանից օպտիկական ակնոցներ կստանաք: Այսինքն՝ ակնոց-օպերացիայի անվան տակ կրկին փորձ է արվելու գումար բաժանել»,- նշեց ԲՀԿ ղեկավարը և հավելեց, որ շատ լավ ճանաչում է գյումրեցու տեսակը՝ նրան հնարավոր չէ հաշվառել, վախեցնել, ահաբեկել, կաշառել: Ն. Զոհրաբյանը վստահ է, որ հոկտեմբերի 2-ին գյումրեցին ընտրություն է կատարելու իր խղճի մտոք:
Մանրամասները՝ տեսանյութում:
