Brent նավթի նոյեմբերյան ֆյուչերսների արժեքը Լոնդոնի ICE բորսայում բարձրացել է 5.4 տոկոսով՝ հասնելով մեկ բարելի դիմաց 49.15 դոլարի՝ նավթի շուկայի կայունացման նպատակով Ռուսաստանի և Սաուդյան Արաբիայի կողմից համատեղ հայտարարության ստորագրման ֆոնին։ Այս մասին հայտնում է TASS գործակալությունը։
Հայտարարությունը ստորագրել են Ռուսաստանի էներգետիկայի նախարար Ալեքսանդր Նովակն ու Սաուդյան Թագավորության էներգետիկայի, արդյունաբերության և հանքային ռեսուրսների նախարար Խալեդ բեն Աբդել Ազիզի ալ-Ֆալեհը։ Երկրները մատնացույց են անում նավթի շուկայում անկայունությունը՝ նավթի արդյունաբերությունում կապիտալ ծախսերի կրճատման և ներդրումային նախագծերի հետաձգման պատճառով։
Բացի այդ, Ռուսաստանն ու Սաուդյան Արաբիան խոստովանել են նավթի շուկայում ավելորդ տատանողականության զսպման անհրաժեշտությունը։
Երկրները մտադիր են ստեղծել աշխատանքային խումբ՝ նավթի շուկայի մոնիտորինգի համար։
